01.04.2026 | 12:39
Ալեքսանդր Օվեչկինը՝ դուբլի հեղինակ․ 11 գոլ՝ մինչև Ուեյն Գրետցկիի պատմական ռեկորդը․ ՏԵՍԱՆՅՈՒԹ
ԱՊՀ-ն կարողացել է հաստատել իր կենսունակությունը ծանր ժամանակներում․ Լուկաշենկո
Քաղաքականություն
28.05.2021 | 15:34
Բելառուսի նախագահ Ալեքսանդր Լուկաշենկոն հայտարարել է, որ ԱՊՀ-ն կարողացել է հաստատել իր կենսունակությունը ծանր ժամանակներում։ Այս մասին հայտնում է «Բելտա» գործակալությունը։
«Այսօր մենք կարող ենք լիակատար վստահությամբ ասել, որ ԱՊՀ կոչվող նախագիծը կայացել և վերստին հաստատում է իր կենսունակությունը այս դժվարին ժամանակներում»,- ասել է նա Մինսկում ընթացող ԱՊՀ երկրների կառավարությունների ղեկավարների խորհրդի նիստին։
Լուկաշենկոյի կարծիքով՝ ԱՊՀ ստեղծումը բացարձակ բնական է դարձել, պատմականորեն ճիշտ ու անհրաժեշտ գործողություն է եղել։
«Մենք ունենք մի քանի սերունդների վիթխարի փորձ, բարեկամության և բարիդրացիության դարավոր ավանդույթներ: Խորհրդային ժողովուրդների հոգևոր միասնության ուժ: Մենք ունենք այն, ինչ մեզ պարգևել են մեր պապերն ու նախապապերը, ծնողները՝ հաղթելով անցյալ դարի ամենաարյունալի պատերազմում», – ասել է նա:
Տաթև Ֆռանգյան
