26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
ՀՀ ՊՆ-ն հերքում է Նախիջևանի ուղղությամբ կրակ բացելու մասին ադրբեջանական կողմի հայտարարությունը (թարմացված)
Քաղաքականություն
28.05.2021 | 12:05
12:11
Ադրբեջանի պաշտպանության նախարարության հայտարարությունը՝ իբր հայկական կողմից արձակված կրակոցից ադրբեջանցի զինծառայողի վիրավորվելու վերաբերյալ, հերթական բացահայտ սուտն է. հայտարարություն է տարածել ՀՀ ՊՆ-ն:
Հայաստանի Հանրապետության զինված ուժերը Նախիջևանի ուղղությամբ կրակ չեն բացել։ Ըստ ամենայնի, ադրբեջանցի զինծառայողի վիրավորվելու պատճառները պետք է փնտրել Ադրբեջանի Հանրապետության ԶՈՒ զինծառայողների ներանձնային փոխհարաբերությունների որակներում և կարգապահության հետ կապված խնդիրներում։
–
ՀՀ Պաշտպանության նախարարությունը կտրականապես հերքում է Ադրբեջանի ՊՆ-ի տարածած հայտարարությունը՝ Նախիջևանի ուղղությամբ կրակ բացելու վերաբերյալ։ Այս մասին Factor.am-ին հայտնեցին Հայաստանի պաշտպանական գերատեսչությունից։
Ադրբեջանի ՊՆ-ն այսօր հայտարարություն էր տարածել, թե, իբր, մայիսի 27-ի լույս 28-ի գիշերը Նախիջևանի Ինքնավար Հանրապետության Բաբեկի շրջանի ուղղությամբ Հայաստանի ԶՈՒ-ն մի քանի ուղղություններով կրակ է բացել ադրբեջանական ուժերի դիրքերի վրա։ Ադրբեջանի ՊՆ-ն նաև հայտնել է, իբր, միջադեպի արդյունքում մեկ վիրավորի մասին։
