19.05.2026 | 17:52
Խուզարկությունների արդյունքում հայտնաբերվել է զենք ու թմրանյութ
ՌԴ ԱԳ փոխնախարարն ու Հարավային Կովկասում ԵՄ ներկայացուցիչը քննարկել են հայ-ադրբեջանական սահմանի իրավիճակը
Քաղաքականություն
27.05.2021 | 21:28
ՌԴ փոխարտգործնախարար Անդրեյ Ռուդենկոն հեռախոսազրույց է ունեցել Հարավային Կովկասում ԵՄ հատուկ ներկայացուցիչ Տոյվո Կլաարի հետ՝ վերջինիս նախաձեռնությամբ։ Այս մասին տեղեկանում են ՌԴ ԱԳՆ պաշտոնական կայքից։
«Կայացել է մտքերի ու գնահատականների օգտակար փոխանակում հայ-ադրբեջանական սահմանի իրավիճակի, ԼՂ հակամարտության կարգավորման ընթացքի շուրջ՝ ԵԱՀԿ Մինսկի խմբի համանախագահների աշխատանքի համատեքստում։ Ռուսական կողմից վերահաստատվել է կողմերին ուղղված` առաջացած խնդիրները խաղաղ ճանապարհով և բանակցությունների միջոցով լուծելու կոչը։ Ռուսաստանը պատրաստ է հետագայում ևս հնարավոր աջակցություն ցուցաբերել այդ գործընթացին»,- ասվում է ՌԴ ԱԳՆ հայտարարության մեջ։
Էմմա Չոբանյան
