11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Ամերիկայի Հայ դատի հանձնախումբը հայ 6 զինծառայողների գերեվարման առնչությամբ դիմել է ԱՄՆ Կոնգրեսին
Քաղաքականություն
27.05.2021 | 17:39
Ամերիկայի Հայ դատի հանձնախումբը (ANCA), անդրադառնալով Գեղարքունիքի մարզում ադրբեջանական ԶՈՒ-ի կողմից հայ զինծառայողների գերեվարմանը, կոչ է արել ԱՄՆ Կոնգրեսին դադարեցնել Միացյալ Նահանգների հարկերի հաշվին ֆինանսավորել ադրբեջանական բանակը։
«Ադրբեջանցի զինվորականները, որոնք կրկին ներխուժել են Հայաստան ու գերեվարել են 6 հայ զինվորի՝ կպչուն ժապավենով կապելով նրանց ձեռքերն ու գլուխները, ԱՄՆ հարկերից գոյացած դոլարներ են ստանում։ Դադարեցրե՛ք սա, հիմա՛»,- գրված է ANCA-ի ֆեյսբուքյան էջում։ Գրառմանը կից հրապարակված է հղում, որով քաղաքացիները կարող են կոչով դիմել կոնգրեսականներին ։
Հիշեցնենք՝ այսօր Գեղարքունիքի մարզի սահմանային հատվածում, ՀՀ ԶՈՒ N զորամասի պահպանության տարածքում ինժեներական աշխատանքներ կատարելիս, ադրբեջանական զինված ուժերի զինծառայողների կողմից շրջափակվել և գերեվարվել է ՀՀ ԶՈՒ վեց զինծառայող։
Տաթև Ֆռանգյան
