11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Մեծ Բրիտանիայի ափ է նետվել գրեթե 1 տոննա կոկաին՝ փրկարարական բաճկոններին ամրացված
Քաղաքականություն
26.05.2021 | 19:36
Մեծ Բրիտանիայում լողափին հայտնաբերվել է գրեթե մեկ տոննա կոկաին, որի ընդհանուր արժեքը կազմում է 80 միլիոն ֆունտ ստերլինգ։ Մեծ Բրիտանիայի Հանցավորության դեմ պայքարի ազգային գործակալությունը (NCA)-ը հայտնել է, որ իշխանությունները հետաքննություն են իրականացնում։
Տեղեկացվում է, որ ջրակայուն փաթեթավորմամբ փրկարարական բաճկոններին ամրացված փաթեթներն անցորդները հայտնաբերել են Արևելյան Սասեքս կոմսության ափին ու այդ մասին տեղեկացրել են տեղի ոստիկանությանը։ «NCA-ը սկսել է հետաքննություն Արևելյան Սասեքսի ափի երկայնքով երկու վայրում գրեթե մեկ տոննա նյութի, (ենթադրաբար կոկաին) հայտնաբերումից հետո»,- ասված է գերատեսչության տարածած հայտարարության մեջ։
Նշվում է, որ վերցված նմուշներում կոկաինի արդյունքները դրական են եղել, հետագայում կիրականացվի լիակատար փորձաքննություն։
Տաթև Ֆռանգյան
