27.04.2026 | 13:08
Նաիր Թիկնիզյանը «Ցրվենա Զվեզդայի» կազմում դարձել է Սերբիայի չեմպիոն․ ՏԵՍԱՆՅՈՒԹ
Օխոտի ծովում բախվել են ռուսական ու ճապոնական նավերը․ կան զոհեր
Քաղաքականություն
26.05.2021 | 10:48
Օխոտի ծովում բախվել են ռուսական ձկնորսական տրաուլեր «Ամուր»-ը և ճապոնական «Հոկկո-մարու 8» շխունան (Շեղաձիգ առագաստներով երկկայմ կամ բազմակայմ առագաստանավ): Զոհվել է ճապոնացի երեք ձկնորս, ևս երկուսը վիրավորվել են, գրում է ՏԱՍՍ-ը:
Պատահարի հետևանքով ճապոնական նավը շրջվել է, մարդիկ հայտնվել են ջրում: Տուժածների ու զոհվածների մարմինները բարձրացրվել են «Ամուր» նավի վրա ։ Ավելի ուշ նրանց տեղափոխել են Մոմբեցու քաղաքի նավահանգիստ։
Միջադեպը գրանցվել է Հոկայդո կղզուց 23 կմ հեռավորության վրա, ճապոնական նավի վրա եղել է 5 մարդ։
Ըստ Յուժնո-Սախալինսկի ծովային փրկարարական ենթակենտրոնի, բախումը տեղի է ունեցել վատ տեսանելիության պայմաններում: Ճապոնական նավից ողջ մնացած ձկնորսներից մեկը պնդում է, որ դեպքի պահին նավը կանգնած է եղել:
Տաթև Ֆռանգյան
