30.06.2026 | 11:27
Քրեական վարույթ՝ Վանաձորում օդաճնշիչ ատրճանակից կրակոցների դեպքով
Բայդենը՝ Ալիևին․ ԱՄՆ-ն պատրաստ է նպաստել ԼՂ հակամարտության երկարատև քաղաքական կարգավորման բանակցություններին
Քաղաքականություն
25.05.2021 | 13:11
ԱՄՆ նախագահ Ջո Բայդենն Ադրբեջանի նախագահ Իլհամ Ալիևին շնորհավորական նամակ է հղել Հանրապետության օրվա առթիվ։ Բայդենը նշել է, որ այս տարի լրանում է Ադրբեջանի անկախության 30 տարին և այդ ընթացքում Միացյալ Նահանգներն ու Ադրբեջանի Հանրապետությունը, ամրապնդելով իրենց ժողովուրդների միջև կապերը, աշխատել են միասին անվտանգության, էներգետիկայի ու ժողովրդավարական կառավարման ուղղությամբ։
Ասվում է նաև, որ ԱՄՆ-ն աջակցում է Ադրբեջանի ներդրումը Եվրոպայի էներգետիկ դիվերսիֆիկացման գործում՝ 2020թ-ին Հարավային գազային միջանցքի գործարկմամբ ու այս տարի Թուրքմենստանի հետ կնքված հուշագրով։
Նամակում Ջո Բայդենն ընդգծել է նաև Լեռնային Ղարաբաղի հակամարտության խաղաղ կարգավորման անհրաժեշտությունը։
«Որպես ԵԱՀԿ Մինսկի խմբի համանախագահ՝ մենք պատրաստակամ ենք նպաստելու հակամարտության երկարատև քաղաքական կարգավորման բանակցություններին»,- ասվում է նամակում։
Էմմա Չոբանյան
