18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Բայդենը հանձնարարել է քայլեր ձեռնարկել Բելառուսում Ryanair- ի ինքնաթիռի հետ կապված միջադեպի կապակցությամբ
Քաղաքականություն
25.05.2021 | 12:19
ԱՄՆ նախագահ Ջո Բայդենն աջակցում է ԵՄ-ի՝ Բելառուսի նկատմամբ անհատական տնտեսական պատժամիջոցներ կիրառելուն և հանձնարարել է վարչակազմին համապատասխան միջոցներ մշակել Ryanair- ի միջադեպի և Nexta Telegram հեռուստաալիքի հիմնադիր Ռոման Պրոտասևիչի ձերբակալության առնչությամբ:
«Ես միանում եմ միջազգային հետաքննություն իրականացնելու բազմաթիվ կոչերին` պարզելու այս իրադարձության հանգամանքները: Ես ողջունում եմ այն տեղեկությունները, որ ԵՄ-ն կոչ է արել անհատական տնտեսական պատժամիջոցներ և այլ միջոցներ ձեռնարկել», – ասված է Բայդենի հայտարարության մեջ, որը երկուշաբթի օրը տարածել է Սպիտակ տան մամուլի ծառայությունը:
«Ես իմ թիմին հանձնարարել եմ մշակել պատասխանատուներին պատասխանատվության ենթարկելու համապատասխան տարբերակներ` ԵՄ-ի, այլ դաշնակիցների, գործընկերների և միջազգային կազմակերպությունների հետ սերտ համագործակցությամբ»,- ասված է հայտարարության մեջ:
Հիշեցնենք՝ կիրակի Աթենքից Վիլնյուս թռչող Ryanair ընկերության ինքնաթիռը հարկադիր վայրէջք էր կատարել Մինսկում։ Օդաչուներին տեղեկացրել էին օդանավում տեղադրված ռումբի մասին և նրանց խորհուրդ տվել վայրէջք կատարել Մինսկում։ Բելառուսը Միգ -29 կործանիչ էր բարձրացրել երկինք՝ ինքնաթիռին ուղեկցելու համար: Ինքնաթիռի վայրէջքից հետո բերման էր ենթարկվել ընդդիմադիր Ռոման Պրոտասևիչը՝ NEXTA-ի նախկին գլխավոր խմբագիրը։ Իսկ օդանավում ոչ մի ռումբ չէր հայտնաբերվել: Պրոտասևիչը, նրա ընկերուհին՝ Ռուսաստանի քաղաքացի Սոֆյա Սապեգան և մի քանի այլ անձինք չէին հասել Վիլնյուս:
Տաթև Ֆռանգյան
