17.09.2026 | 21:00
2,6 մլն՝ Փաշինյանին, 2,1 մլն՝ նախարարներին․ զգալի կբարձրանա պաշտոնայների աշխատավարձը. ՏԵՍԱՆՅՈՒԹ
Amnesty International-ը օդային ծովահենություն է որակել օդանավի ականապատման մասին կեղծ տեղեկություններն ու ինքնաթիռի հարկադիր վայրէջքը Մինսկում
Քաղաքականություն
24.05.2021 | 13:50
Amnesty International միջազգային իրավապաշտպան կազմակերպությունը (AI) օդային ծովահենության գործողություն է որակել օդանավի ականապատման մասին կեղծ տեղեկությունները, ինչի նպատակն էր Ryanair-ի ուղևորատար ինքնաթիռի վայրէջքը Մինսկում ու ընդդիմադիր լրագրող Ռոման Պրոտասևիչի ձերբակալությունը, գրում է DW-ի ռուսական ծառայությունը։
«Չկա կասկած, որ Բելառուսի իշխանություններն օգտագործել են պայթյունի կեղծ սպառնալիքն ու ՄԻԳ կործանիչները, որպեսզի ստիպեն ինքնաթիռը վայրէջք կատարի, որը ԵՄ մի երկրից մյուսն է թռչելիս եղել, ընդ որում՝ դա արվել է մեկ ակնհայտ նպատակով՝ ձերբակալել երկրից մեկնած ընդդիմադիր լրագրողին, որին շատ են ցանկանում լռեցնել»,- հայտարարել է Արևելյան Եվրոպայի ու Կենտրոնական Ասիայի հարցերով AI-ի տնօրեն Մարի Ստրազերսը։
«Չնայած սա հնչում է որպես հոլիվուդյան ֆիլմի սցենար, սակայն սա իրականություն է, և այս ակնհայտ օդային ծովահենության ակտի իրականությունը վախեցնող է։
Եվրամիությունը և, առհասարակ, ամբողջ աշխարհը պետք է անհապաղ արձագանքեն և կոչ անեն անհապաղ ազատ արձակել Ռոման Պրոտասևիչին: Նրան պետք է թույլ տրվի լքել Բելառուսը և մեկնել իր նախընտրած երկիր », – ընդգծեց Ստրազերսը:
Հիշեցնենք, որ Ryanair-ի օդանավը ականապատման մասին հաղորդագրությունից հետո շտապ վայրէջք էր կատարել Բելառուսի մայրաքաղաքում, որը պարզվել էր, որ կեղծ էր: Նշվում է նաև, որ ՄիԳ -29 կործանիչ էր օդ բարձրացվել ՝ ինքնաթիռն ուղեկցելու համար: Ուղևորների թվում է եղել ընդդիմադիր Nexta հեռագրային հեռուստաալիքի հիմնադիր Ռոման Պրոտասևիչը, որը բերման էր ենթարկվել փաստաթղթերը ստուգելիս:
Տաթև Ֆռանգյան
