11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Իրանի արտգործնախարարը կայցելի Հայաստան ու Ադրբեջան
Քաղաքականություն
24.05.2021 | 12:02
Իրանի արտաքին գործերի նախարար Մոհամմադ Ջավադ Զարիֆը կայցելի Հայաստան ու Ադրբեջան։ Այս մասին այսօր հայտարարել է Իրանի արտաքին գործերի նախարարի խոսնակ Սաիդ Խաթիբզադեն, գրում է news.ru-ն։
Նրա խոսքով ՝ Իրանի արտգործնախարարի այցը կմեկնարկի վաղը: Միևնույն ժամանակ, Խաթիբզադեն չի նշել այցի նպատակը: Մամուլի ծառայության ղեկավարը գաղտնի է պահել նաև բանակցությունների ընթացքում քննարկվելիք խնդիրները:
Հիշեցնենք՝ ավելի վաղ հայտնի էր դարձել, որ առաջիկա շաբաթների ընթացքում Թուրքիայի նախագահ Ռեջեփ Թայիփ Էրդողանը կայցելի Ադրբեջան: Այս մասին մայիսի 24-ին հայտնել էր ադրբեջանական «Report» գործակալությունը ՝ վկայակոչելով Թուրքիայի մշակույթի և զբոսաշրջության նախարար Մեհմեդ Նուրի Էրսոյին:
Վերջին օրերին, ամենաբարձր մակարդակով, Բաքվի և Անկարայի միջև քննարկումներ են անցկացվել այն մասին, թե ինչպես պլանավորել 44-օրյա պատերազմից հետո Ադրբեջանին անցած Արցախի տարածքների վերականգնման և վերակառուցման աշխատանքները։
Մայիսի 19-ին Ադրբեջանի և Թուրքիայի արտգործնախարարներ Ջեյհուն Բայրամովը և Մևլութ Չավուշօղլուն հեռախոսով քննարկել են ադրբեջանա-հայկական սահմանին տիրող լարված իրավիճակը:
Տաթև Ֆռանգյան
