17.09.2026 | 13:47
ԱԺ-ն ՏԿ և ՇՄ պահպանության հարցերի հանձնաժողովի նախագահ է ընտրում. ՈւՂԻՂ
Միջազգային ավիակիրների հարվածային խումբն սկսում է շրջագայությունը․ ՌԴ-ից ու Չինաստանից պատասխանատու վարք է ակնկալվում․ Telegraph
Քաղաքականություն
24.05.2021 | 13:17
Միջազգային ավիակիրների հարվածային խումբը, որը գլխավորում է բրիտանական նավատորմի առաջատար «Queen Elisabeth» ավիակիրը, շաբաթ օրը սկսել է իր առաջին 28-շաբաթյա առաքելությունը: 9 նավ, 32 ինքնաթիռ՝ 3700 անձնակազմով, Միջերկրական ծովով և Հնդկական օվկիանոսով կանցնեն Հնդկա-խաղաղօվկիանոսյան տարածաշրջանով, գրում է Telegraph- ը:
«Queen Elisabeth»-ը, որի կառուցման համար պահանջվել է ավելի քան ութ տարի, Մեծ Բրիտանիայում կառուցված ամենամեծ ռազմանավն է:
95-ամյա Եղիսաբեթ Երկրորդ թագուհին անձամբ է բարի ճանապարհի խոսքեր ասել բրիտանական ռազմածովային ուժերի նավաստիներին երկար ճանապարհորդությունից առաջ։
Ծովակալության լորդ, ծովակալ Թոնի Ռադակինը նշել է, որ առաքելության ընթացքում Ռուսաստանից ու Չինաստանից «պատասխանատու վարք» է ակնկալում:
«Չեմ կարծում, որ մենք կտեսնենք այն անխոհեմ պահվածքը Ռուսաստանի կողմից, որին ականատես ենք եղել անցյալում։ Չեմ կարծում, որ մենք կտեսնենք նաև Չինաստանի ագրեսիան. բրիտանական ուժերը՝ դաշնակիցների հետ միասին, գործում են թափանցիկ և օրինական», – հայտարարել է ծովակալը:
Տաթև Ֆռանգյան
