13.12.2024 | 22:26
Նախիջևանի առանձին համազորային բանակի հրամանատարն այցով Թուրքիայում է
ԵՄ-ն և ԱՄՆ-ը պահանջել են Միջազգային քաղաքացիական ավիացիայի կազմակերպության անդամ երկրների անհապաղ ժողով հրավիրել
Քաղաքականություն
24.05.2021 | 11:25
Եվրամիությունը և Միացյալ Նահանգները պահանջել են Միջազգային քաղաքացիական ավիացիայի կազմակերպության անդամ երկրների անհապաղ ժողով հրավիրել այն բանից հետո, երբ իռլանդական Ryanair ընկերության օդանավը, որում եղել է բելառուս հայտնի ընդդիմադիր Ռոման Պրոտասևիչը, ականապատված լինելու պատրվակով ստիպված է եղել շտապ վայրէջք կատարել Մինսկում, գրում է Euronews-ը:
Վայրէջքից հետո Պրոտասևիչին ձերբակալել են։
Միջադեպից մի քանի ժամ անց օդանավը վայրէջք է կատարել Լիտվիայի մայրաքաղաքում։ «Նրանք գրեթե միանգամից դուրս են հանել նրան ինքնաթիռից, ինչից հետո օդանավից հեռանալ են առաջարկել մնացած բոլոր ուղևորներին։ Նա ոչ մի առանձնահատուկ բան չի ասել, միայն ասել է, որ Բելառուսում իրեն մահապատիժ է սպառնում»,- պատմել են օդանավի ուղևորները։
Լիտվայի նախագահ Գիտանաս Նաուսեդան կատարվածը որակել է որպես «պետական ահաբեկչական ակտ»։
Պաշտոնական Մինսկը հայտնել է, որ Ալեքսանդր Լուկաշենկոյի հրամանով ՄիԳ -29 է բարձրացվել երկինք ՝ ինքնաթիռին ուղեկցելու համար:
Ryanair- ի ինքնաթիռում, Մինսկում վայրէջք կատարելուց հետո, ոչ մի պայթուցիկ սարք չի հայտնաբերվել:
Տաթև Ֆռանգյան
