18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Լենուղի համայնքում բացվել է Արցախյան 44-օրյա պատերազմում զոհված հերոսների հիշատակին նվիրված հուշարձան
Հասարակություն
23.05.2021 | 19:25
Լենուղի համայնքում այսօր ներկա եմ գտնվել Արցախյան 3-րդ պատերազմում զոհված համայնքի չորս հերոսների՝ ռազմական բժիշկ Գարիկ Մանուկյանի, զինծառայող Թաթուլ Թովմասյանի, կամավորներ՝ Սերյոժա Ղուկասյանի և Մուշեղ Մուրադյանի հիշատակին նվիրված հուշարձանի բացմանը: Այս մասին իր ֆեյսբուքյան էջում գրել է Արմավիրի մարզպետ Համբարձում Մաթեւոսյանը:
«Իմ խոնարհումն եմ հայտնել Արցախյան 44-օրյա պատերազմում անմահացած մեր հերոսների հիշատակի առջև, ընդգծել նրանց անսահման հայրենասիրությունն ու ազգանվեր կերպարը, որը մեզ պարտավորեցնում է մեր ամենօրյա աշխատանքով արժանին մատուցել նրանց գործած սխրանքներին:
Փառք ու հավերժ հիշատակ մեր անմահացած հերոսներին:
Տոկունություն և ոգու ամրություն հերոսածին ծնողներին ու նրանց հարազատներին»,- գրել է նա:
