26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
ՄԻԵԴ-ն Ադրբեջանին պարտավորեցրել է Լապշինին վճարել 30 հազար եվրո․ բլոգերը գումարի մի մասը կհատկացնի վիրավոր հայ զինվորներին
Քաղաքականություն
20.05.2021 | 22:33
Մարդու իրավունքների եվրոպական դատարանը (ՄԻԵԴ) մեղավոր է ճանաչել Ադրբեջանի իշխանություններին հայտնի բլոգեր և լրագրող Ալեքսանդր Լապշինին խոշտանգելու և Բաքվի բանտում նրան սպանելու փորձ կատարելու մեջ: ՄԻԵԴ-ի համապատասխան որոշումը հրապարակվեց հինգշաբթի, մայիսի 20-ին: Միևնույն ժամանակ, Ստրասբուրգի դատարանը Բաքվի կառավարությանը պարտավորեցրել է Լապշինին վճարել 30 հազար եվրոյի չափով դրամական փոխհատուցում, DW-ի ռուսական ծառայությունը։
«Գրեթե երեք տարի ես սպասում էի այս որոշմանը, և այս ամբողջ ընթացքում ես շարունակում էի սպառնալիքներ ստանալ ոչ միայն սոցիալական ցանցերի ադրբեջանցի օգտատերերի, այլև այդ երկրի պաշտոնյաների կողմից», – ՄԻԵԴ-ի որոշումը մեկնաբանել է Ալեքսանդր Լապշինը DW- ի թղթակցի հետ զրույցում:
Նա պատմել է, որ իր «հանցագործությունը» եղել է միայն Լեռնային Ղարաբաղ այցելելը: Նա նաեւ հայտնել է, որ փոխհատուցման մի մասն ուղղելու է բարեգործությանը, մասնավորապես ՝ Հայաստանի և Լեռնային Ղարաբաղի վիրավոր զինծառայողներին օգնելու համար:
«Ես լրագրող եմ և, իհարկե, կշարունակեմ իմ աշխատանքը, ճանապարհորդել և կխոսեմ այն ամենի մասին, ինչ տեսնում ու զգում եմ, դա իմ գործն է», – ամփոփել է բլոգերը:
Տաթև Ֆռանգյան
