30.06.2026 | 11:27
Օդաճնշիչ ատրճանակից կրակել է գետնին․ նախաձեռնվել է քրեական վարույթ
Օդ կրակելով՝ բախվել էին մեր տղաների հետ․ Վովա Վարդանովը մանրամասնում է մայիսի 17-ի միջադեպը. ՏԵՍԱՆՅՈՒԹ
Քաղաքականություն
20.05.2021 | 17:30
Factor TV-ն զրուցել է «Ողջ մնալու արվեստ» կազմակերպության ղեկավար Վովա Վարդանովի հետ
-Պարո՛ն Վարդանով, մայիսի 17-ի առավոտյան հայ և ադրբեջանցի զինծառայողների մասնակցությամբ միջադեպից տեսանյութ են հրապարակել ադրբեջանցիները։ Այդ դեպքից Դուք մանրամասների եք տիրապետում։ Ի՞նչ է տեղի ունեցել իրականում և ինչպե՞ս է ավարտվել այդ միջադեպը։
-Քանի որ հիմա սահմանահատվածում՝ Զոդից սկսած մինչև Նյուվադի՝ Նռնաձոր գյուղով, մինչև այդտեղ ամեն տեղ չի, որ նորմալ է կահավորանքը, կան ուղղակի կանգնած տղաներ, որոնց դիրքերը կահավորված չի և այլն, ուղղակի հսկում են, պահպանություն են անում։ Եվ հակառակորդը, շրջապատելով էդ տղաներին, մի խումբ թուրքեր օդ կրակելով, էդ հրապարակված տեսանյութում ոնց որ նման բան չկար, բախվել էին մեր տղաների հետ, և մերոնք ոնց որ թե հավասար կռիվ էին տալիս, քանի դեռ սարից չէին իջել 50-60 հոգի թուրք։
-Այսինքն՝ ադրբեջանցիներին օգնող ուժե՞ր են ավելացել։
-Սկզբից եղել է մոտ էդքան թուրք, մի քիչ ավել, հետո ևս 50-60 հոգի իջել են, ու էդ պայմաններում ոչ մեկ բոքս ի վիճակի չի անել։ Հակառակորդը, բնականաբար, ուրիշ ձևով է դա ներկայացնում, փորձում է ահաբեկել մեր բնակչությանը, խելք ունեցեք, մի ահաբեկվեք և մի ահաբեկեք մեր բնակչությանը, ես լրատվամիջոցներին նկատի ունեմ։ Ինֆորմացիան մշակելուց հետո հրապարակեք։ Ծեծկռտուքով ավարտվել ա, ու մի թեթև շարունակություն։ Ծեծկռտուքի ճանապարհի կողքը թուրքը էսօր ավելի լուրջ ա ներկա, զրահատեխնիկա ա բերել կանգնեցրել սահմանի հատվածում, որտեղ առաջ միայն զինվորներն էին կանգնած։ Սա Վերին Շորժայի հատվածն է։
Հարցազրույցն ամբողջությամբ՝ տեսանյութում։
Ռոբերտ Անանյան
