09.06.2026 | 18:20
Transfermark․ Տրանսֆերային գնի ամենամեծ աճ գրանցած ֆուտբոլիստների խորհրդանշական հավաքականը
Ադրբեջանի վարչապետը Միշուստինին Ադրբեջան է հրավիրել
Քաղաքականություն
20.05.2021 | 16:46
Ադրբեջանի վարչապետ Ալի Ասադովը Ռուսաստանի կառավարության ղեկավար Միխայիլ Միշուստինին պաշտոնական այցով Ադրբեջան է հրավիրել, գրում է ՏԱՍՍ-ը։
«Օգտվելով առիթից, ցանկանում եմ Ձեզ հրավիրել պաշտոնական այցով այցելել Ադրբեջան։ Համոզված եմ, որ Ձեր այցը, Ձեզ համար ցանկացած հարմար ժամանակ, մեծ ներդրում կլինի ռուս-ադրբեջանական հարաբերութունների ամրապնդման հարցում»,- ասել է նա։
Հիշեցնենք՝ Ռուսաստանի և Ադրբեջանի վարչապետներ Միխայիլ Միշուստինը և Ալի Ասադովն այսօր հանդիպել են Մոսկվայում: Բանակցություններից հետո նախատեսվում է մի շարք փաստաթղթերի ստորագրում:
Տեղեկացվել է, որ երկու երկրների կառավարությունների ղեկավարները քննարկելու են ռուս-ադրբեջանական առևտրատնտեսական համագործակցության և համատեղ նախագծերի իրագործման հարցեր, ինչպես նաև կորոնավիրուսի դեմ համատեղ պայքարելուն վերաբերող հարցեր։
Տաթև Ֆռանգյան
