Քաղաքականություն
20.05.2021 | 15:13Սահմանների ճշգրտումը ինչքան պետք է Ադրբեջանին, այդքան էլ պետք է ՀՀ-ին։ Այս մասին կառավարության նիստին ասել է Նիկոլ Փաշինյանը։ Վարչապետի պաշտոնակատարը մեկնաբանել է Միքայել Մինասյանի կողմից հրապարակված փաստաթուղթը, որում ասվում է Հայաստանի և Ադրբեջանի միջև սահմանագծման և սահմանազատման մասին, ու ասել, որ այն համապատասխանում է ՀՀ շահերին, և եթե Բաքուն պահի պայմանավորվածությունը, ինքը ստորագրելու է այն։
—
ԱԺ ԲՀԿ խմբակցության պատգամավոր Նաիրա Զոհրաբյանը հայտարարել է, որ վայր է դնում ԲՀԿ գլխավոր քարտուղարի պարտականությունները և առաջիկա ընտրություններին չի մասնակցելու ԲՀԿ համամասնական ցուցակով։
—
ՀՔԾ-ն հայտնում է, որ նախկին փոխվարչապետ Արմեն Գևորգյանին մեղադրանք է առաջադրվել շուրջ 5 միլիարդ ՀՀ դրամի՝ հանցավոր ճանապարհով ստացված եկամուտներն օրինականացնելու համար։
Գևորգյանն այդ գործը մակուլատուրա է անվանել և նշել, որ իրեն ցանկանում են մեղադրանք առաջադրել և ինչ-որ խափանման միջոց ընտրել, որով կխաթարեն իր գոծունեությունը որպես «Հայաստան» դաշինքի շտաբի պետ։
—
