26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Հնդկաստանի երկու նահանգում «սև բորբոս» հիվանդության համաճարակ է հայտարարվել
Քաղաքականություն
20.05.2021 | 11:28
Հնդկաստանի Ռաջաստան և Տելանգանա նահանգների իշխանությունները հայտարարել են մուկորմիկոզի ՝ սնկային հիվանդության համաճարակի մասին, որը հայտնի է որպես «սև բորբոս», գրում է korrespondent-ը։
«Նահանգում մուկորմիկոզով հիվանդների թիվը շարունակում է աճել COVID-19- ի ազդեցության պատճառով: Մուկորմիկոզը դրսևորվում է որպես COVID-19 կողմնակի ազդեցություն … Ծանուցվում է համաճարակի մասին, որը ենթակա է գրանցման ողջ նահանգում», – ասված է Ռաջաստանի առողջապահության գլխավոր նախարար Աչիլ Արորայի կողմից ստորագրված ծանուցագրում:
Նրա խոսքով՝ նահանգում կա այս հիվանդությամբ տառապող շուրջ 100 հիվանդ, նրանց համար հատուկ բաժանմունք է ստեղծվել Sawai Man Singh պետական հիվանդանոցում: Դեպքերի մեծ մասը գրանցվել է Ջայպուր, Ջոդփուր, Սիրոհի և Կոտա քաղաքների տարածքում:
Հավելենք, որ մուկորմիկոզը կամ «սև բորբոսը» սնկային վարակի խորացման հետևանք է։ Հիվանդությունը կարող է զարգանալ նրանց մոտ, ովքեր շփվում են շրջակա միջավայրի սնկային սպորների հետ կամ բորբոսը թափանցում է մաշկի տակ կտրվածքի, քերծվածքի կամ այրման միջոցով: Ամենամեծ վտանգը հիվանդությունը սպառնում է շաքարախտով տառապող մարդկանց, ինչպես նաև կորոնավիրուսի պատճառով թույլ իմունային համակարգ ունեցողներին։
Տաթև Ֆռանգյան
