11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Լիբանանի տարածքից Իսրայելի ուղղությամբ չորս հրթիռ է արձակվել
Քաղաքականություն
19.05.2021 | 19:42
Լիբանանի տարածքից Իսրայելի ուղղությամբ չորս հրթիռ է արձակվել: Այս մասին ասված է իսրայելական բանակի մամուլի ծառայության կողմից չորեքշաբթի օրը տարածված հայտարարության մեջ, գրում է Haaretz-ը:
Հայտարարության մեջ նշվում է, որ հրթիռներից մեկը խոցվել է «Երկաթե գմբեթ» հակաօդային պաշտպանության համակարգերի կողմից։ Մնացածը, ամենայն հավանականության, ընկել են բաց տեղանքում, ասված է հայտարարության մեջ։ Ընդծվում է, որ «ի պատասխան իսրայելական հրետանին հարվածներ կհասցնի Լիբանանի տարածքում մի շարք թիրախների»։
Հիշեցնենք, որ պաղեստինցիների և իսրայելցիների միջև անցյալ շաբաթ սկսված բախումների հետևանքով պաղեստինյան կողմում զոհերի թիվը անցել է 220-ը, որոնցից 63-ը երեխա և ավելի քան 34-ը կին, վիրավորվել է մոտ 1500 պաղեստինցի, իսկ իսրայելական կողմում զոհերի թիվը 12-ն է, այդ թվում՝ 2 երեխա։ Վիրավորների թիվը առնվազն 300 է։
Տաթև Ֆռանգյան
