11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Ադրբեջանի սահմանապահները սպանել են իրանա-ադրբեջանական սահմանին գրանցված փոխհրաձգության մասնակիցներից մեկին
Քաղաքականություն
19.05.2021 | 17:13
Ադրբեջանաիրանական սահմանին տեղի ունեցած միջադեպի երկրորդ մասնակիցը չեզոքացվել է։ Այս մասին հայտնում է Sputnik-ի ադրբեջանական ծառայությունը՝ հղում կատարելով Ադրբեջանի ՆԳՆ մամլո ծառայության ղեկավար Էխսան Զախիդովին։
Ավելի վաղ տեղեկացվել էր, որ իրանա-ադրբեջանական սահմանին փոխհրաձգություն էր տեղի ունեցել, զոհվել էր երկու ադրբեջանցի սահմանապահ։
Նշվում է, որ Ադրբեջանի ՆԳՆ զորքերի և Պետական սահմանային ծառայության համատեղ օպերատիվ-որոնողական միջոցառումների արդյունքում Յարդիմլի շրջանի լեռներում հայտնաբերվել է փոխհրաձգության մասնակից Իրանի քաղաքացին։
«Քաղաքացին դիմադրություն է ցույց տվել զինվորականներին ՝ չցանկանալով հանձնվել: Այդ պատճառով էլ վնասազերծվել է», – ասել է Զախիդովը:
Եվ մեկ իրանցի դեռևս թաքնված է։
Հիշեցնենք, որ դեպքը տեղի է ունեցել մայիսի 15-ին, տեղի ժամանակով ժամը 16: 00-ին: Իրանի քաղաքացիները, ըստ ադրբեջանական լրատվամիջոցների, փորձել են ապօրինի հատել պետական սահմանը Յարդիմլիի շրջանի Գենդերե գյուղի մոտակայքում: Տեղի է ունեցել փոխհրաձգություն, ադրբեջանցի երկու սահմանապահ վիրավորվել է, նրանց տեղափոխել են հիվանդանոց, որտեղ էլ վերջիններս մահացել են: Դեպքի վայրում հայտնաբերվել է մոտ 10 կիլոգրամ թմրանյութ:
Թեժ հետապնդման ընթացքում ձերբակալվել էր սահմանը խախտող մեկ այլ իրանցի՝ Հասանալի Բարգին:
Տաթև Ֆռանգյան
