10.03.2026 | 23:51
Միրզոյանը և ԱՄՆ պետքարտուղարի տեղակալը քննարկել են ՀՀ-ԱՄՆ ռազմավարական գործընկերության խորացման հարցեր
ԱՄՆ-ում կոչ են արել դիվանագիտորեն բոյկոտել 2022 թ. Պեկինի ձմեռային Օլիմպիական խաղերը
Քաղաքականություն
19.05.2021 | 18:18
ԱՄՆ Ներկայացուցիչների Պալատի խոսնակ, դեմոկրատ Նենսի Փելոսին կոչ է արել դիվանագիտորեն բոյկոտել 2022 թվականի Պեկինի ձմեռային օլիմպիական խաղերը՝ Սինցզյան քաղաքում շարունակվող բռնաճնշումների պատճառով, ինչը Վաշինգտոնն անվանում է ցեղասպանություն: Փելոսին կարծում է, որ մարզիկները պետք է խաղերին մասնակցեն, բայց պետությունների ղեկավարները չպետք է այնտեղ լինեն, գրում է BBC-ի ռուսական ծառայությունը:
Չինաստանի իշխանություններն ավելի քան մեկ միլիոն ույղուրների և այլ մահմեդականների պահում են Սինցզյան քաղաքում, Չինաստանի հյուսիս-արևմուտքում: Այնտեղ նրանք ապրում են «վերադաստիարակչական» հաստատություններում ՝ բանտանման ճամբարներում: Նրանք պահվում են անժամկետ և առանց մեղադրանքի:
Սկզբում երկիրը հերքում էր ճամբարների գոյությունը, սակայն ավելի ուշ նրանք հայտարարեցին, որ այդ ճամբարները ահաբեկչության դեմ պայքարի միջոց են:
Չինաստանի կառավարությունը մեղադրվում է նաև Սինցզյանի տեղաբնիկ բնակչության իրավունքների բազմաթիվ այլ խախտումների մեջ, ներառյալ լիակատար հսկողությունը, ույղուր կանանց հարկադիր ստերիլիզացումը և երեխաներին ընտանիքներից բաժանելը:
Տաթև Ֆռանգյան
