26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Covid-19-ից ապաքինվածները ևս պետք է պատվաստվեն․ ավստրիացի գիտնականների ուսումնասիրությունները
Քաղաքականություն
19.05.2021 | 19:53
SARS-CoV-2- ից առողջանալուց հետո մարդու օրգանիզմում իմունիտետ է առաջանում, որը պաշտպանում է մարդուն նորից վարակվելուց: Ավստրացիների ուսումնասիրությունների համաձայն՝ այս դեպքում կրկին վարակվելու ռիսկը կրճատվում է մոտ 91 տոկոսով, մոտավորապես նույնքանով, ինչքանով ամենաարդյունավետ պատվաստանյութերից մեկով պատվաստվելուց հետո, գրում է DW-ի ռուսական ծառայությունը:
Սակայն հակամարմինների թիվը, որոնք արտադրվում են կորոնավիրուսի բջիջն օրգանիզմ ներթափանցելուց հետո, արագ նվազում է, հատկապես եթե հիվանդությունը թեթև ընթացք է ունեցել։ Բարեբախտաբար, մեր իմունային համակարգը վտանգին ևս մեկ պատասխան ունի՝ Т-լիմֆոցիտների տեսքով։ Մարդու արյան մեջ գտնվող այդ սպիտակ մարմինները կորոնավիրուսի հետ կրկնակի շփման դեպքում ճանաչում են ոչ միայն փշանման սպիտակուցը, այլ նաև վիրուսի այլ բաղադրիչ մասերն, ու անմիջապես դրանք ոչնչացնում են։
Որպեսզի պատվաստումն օրգանիզում չափազանց մեծ ռեակցիա չառաջանի, բժիշկները խորհուրդ են տալիս առողջացածներին պատվաստվել ոչ շուտ, քան առողջանալուց 6 ամիս անց։ Նրանց օրգանիզմը պատվաստանյութին ավելի արագ ու ուժեղ է արձագանքում, քան այն մարդկանց մոտ, ովքեր դեռևս չեն վարակվել հիվանդությամբ։
Վիրուսաբան Սանդրա Ցիզեկը նշում է, որ սա զարմանալի չէ, «քանի որ իմունային համակարգը սովորում է արձագանքել սպառնալիքներին»։ Հիվանդությունից ապաքինվածների համար բավական է պատվաստանյութի մեկ չափաբաժին, քանի որ նրանց օրգանիզմն արդեն ծանոթ է վիրուսի հետ։
Գիտնականները նաև նշել են, որ հավանաբար միայն մի քանի տարի անց հայտնի կդառնա, թե արդյոք անհրաժեշտ է ամեն տարի կամ մի քանի տարին մեկ անգամ պատվաստվել կորոնավիրուսի դեմ։
Տաթև Ֆռանգյան
