30.06.2026 | 13:16
Տաքսու վարորդներն ու բոլոր գրանցված աշխատողները հունվարի 1-ից առողջության ապահովագրություն կունենան․ ՏԵՍԱՆՅՈՒԹ
ԱՄՆ Պետդեպարտամենտը կոշտ քննադատության է ենթարկել Էրդողանին՝ նրա հայտարարարությունները հակասեմական որակելով
Քաղաքականություն
19.05.2021 | 11:16
ԱՄՆ Պետդեպարտամենտը կոշտ քննադատության է ենթարկել Թուրքիայի նախագահ Ռեջեփ Թայիփ Էրդողանի ՝ Իսրայելին ուղղված հայտարարությունները Մերձավոր Արևելքում հակամարտության վերաբերյալ: Մասնավորապես Էրդողանի հայտարարությունները Պետդեպարտամենտն անվանել է հակասեմական ու քննադատության արժանի։ Այս մասին ասված է ԱՄՆ Պետդեպարտամենտի տարածած հայտարարության մեջ։
«Միացյալ Նահանգները խստորեն դատապարտում է նախագահ Էրդողանի՝ վերջին հակասեմական մեկնաբանությունները հրեա ժողովրդի վերաբերյալ և համարում, որ դրանք դատապարտելի են: Մենք կոչ ենք անում նախագահ Էրդողանին և Թուրքիայի մյուս ղեկավարներին `զերծ մնալ հռետորաբանությունից, որը կարող է հետագա բռնություններ հրահրել: Միացյալ Նահանգները լիովին հավատարիմ է հակասեմիտիզմի բոլոր տեսակների դեմ պայքարին: Մենք շատ լուրջ ենք վերաբերվում այն բռնություններին, որոնք հաճախ ուղեկցում են հակասեմիտականությանը», – ասված է հայտարարության մեջ:
Թուրքիային նաև կոչ է արվել միանալ Միացյալ Նահանգների՝ հակամարտության դադարեցման ջանքերին։
Տաթև Ֆռանգյան
