26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Իսրայելի գործողությունները Գազայի հատվածում արմատականների դեմ կշարունակվեն ևս մի քանի օր․ Նեթանյահու
Քաղաքականություն
18.05.2021 | 21:14
Իսրայելի գործողությունները Գազայի հատվածում արմատականների դեմ կշարունակվեն առնվազն ևս մի քանի օր: Այսօր նման հայտաարությամբ է հանդես եկել Իսրայելի վարչապետ Բենիամին Նեթանյահուն երկրի հարավում տեղական խորհուրդների ներկայացուցիչների հետ հանդիպման ժամանակ:
«Օպերացիան կշարունակվի առնվան ևս մի քանի օր։ Դրանից հետո արմատականների կողմից ցանկացած կրակոցին կհետևի ամենավճռական պատասխանը»,- Իսրայելի վարչապետի խոսքերն է մեջբերում The Times of Israel-ը։
Հիշեցնենք՝ Իսրայելի և Պաղեստինի սահմանին տիրող իրավիճակը սրվեց մայիսի 10-ի երեկոյան։ Մինչ օրս պաղեստինյան կողմից Իսրայելի ուղղությամբ արձակվել է ավելի քան 3 հազար 300 հրթիռ, դրանցից մոտ 500-ն ընկել է Գազայի հատվածում։ Վերջին տվյալներով՝ Իսրայելում զոհվել է 12 մարդ, վիրավորվել՝ 20-ը։
Պաղեստինի Առողջապահության նախարարության տվյալներով էլ՝ իսրայելական ավիահարվածների զոհ է դարձել 220 պաղեստինցի, այդ թվում՝ 58 երեխա, վիրավորների թիվն անցել է 1․000-ը։
Տաթև Ֆռանգյան
