27.04.2026 | 10:01
Արտարժույթների փոխարժեքները՝ ապրիլի 27-ի դրությամբ
Անթալիայում ուկրաինացի զբոսաշրջիկ է անհետացել
Քաղաքականություն
18.05.2021 | 20:14
Թուրքիայի ոստիկանությունը և փրկարարները որոնում են ուկրաինացի կնոջ, որն անհետացել է Անթալիայի լեռներ զբոսաշրջային ուղևորության ընթացքում։ Այս մասին հայտնել են Ուկրաինայի ԱԳՆ մամուլի ծառայությունից, գրում է ՌԻԱ նովոստին:
«Ուկրաինայի հյուպատոսությունը համագործակցում է Անթալիայի նահանգի ժանդարմերիայի հետ՝ Ուկրաինայի քաղաքացի Յանա Կրիվոշեին որոնելու համար, և կապի մեջ է նրա եղբոր հետ», – ասված է հայտարարության մեջ։
ԱԳՆ տեղեկությունների համաձայն՝ ուկրաինուհին զբոսաշրջային ուղևորության է գնացել Անթալիայի լեռներ, մայիսի 10-ին նա պետք է վերադառնար Ուկրաինա, սակայն մայիսի 2-ից նրա հետ կապը կորել է։
«Որոնողա-փրկարարական հատուկ ջոկատները հայտնաբերել են քաղաքացու վրանը։ Որոնողական օպերացիան շարունակվում է, իրականացվում է բջջային կապի օգտագործման վերլուծություն»,- հայտնել են մամլո ծառայությունից։
Տաթև Ֆռանգյան
