Քաղաքականություն
18.05.2021 | 17:26
Մենք շարունակում ենք ուշադիր հետևել իրավիճակին` կապված Ադրբեջանի և Հայաստանի միջև սահմանային միջադեպի հետ. ասված է ՌԴ ԱԳՆ-ի տարածած հայտարարության մեջ:
«Ռուսական կողմը աջակցություն է ցուցաբերում Բաքվին և Երևանին լարվածության թուլացման հարցում `ամենաբարձր մակարդակներով կանոնավոր շփումների միջոցով: Մենք վերահաստատում ենք հրադադարի ռեժիմը խստորեն պահպանելու, ինչպես նաև Հայաստանի, Ռուսաստանի և Ադրբեջանի, ղեկավարների 2020 թ. նոյեմբերի 9-ի և 2021 թ. հունվարի 11-ի հայտարարությունները անհապաղ կատարելու անհրաժեշտությունը:
Բոլոր նման միջադեպերը պետք է լուծվեն բացառապես խաղաղ, բանակցային ճանապարհով: Որպես երկարաժամկետ լուծում մենք տեսնում ենք ադրբեջանա-հայկական սահմանի դելիմիտացիայի գործընթացի մեկնարկը`դրան հաջորդող դեմարկացիայով: Ռուսաստանի Դաշնությունը պատրաստ է ամեն կերպ նպաստել Հարավային Կովկասում իրավիճակի կարգավորմանը»,- ասված է հայտարարության մեջ:
Տաթև Ֆռանգյան
