17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Էրդողանը Բայդենին մեղադրել է Իսրայելին աջակցելու և «արյունոտ ձեռքերով պատմություն գրելու» մեջ
Քաղաքականություն
18.05.2021 | 14:46
Թուրքիայի նախագահ Ռեջեփ Թայիփ Էրդողանը քննադատել է իր ամերիկացի գործընկեր Ջո Բայդենին՝ Իսրայելին զենք վաճառելու համար, և խոստացել, որ Անկարան կշարունակի աջակցել պաղեստինցիներին իսրայելա-պաղեստինյան վերջին հակամարտությունում։ Այս մասին գրում է «Ահվալ» գործակալությունը։
«Այսօր մենք ականատես եղանք Բայդենի կողմից Իսրայելին զենքի վաճառքի հաստատմանը։ Դուք (նկատի ունի Բայդենին) արյունոտ ձեռքերով պատմություն եք գրում»,- ասել է Էրղողանը։
Նշենք, որ Ջո Բայդենի վարչակազմը երկուշաբթի հաստատեց 735 մլն դոլարի գերճշգրիտ զենքի վաճառքն Իսրայելին։
Բացի այդ, Էրդողանը դատապարտել է նաև Ավստրիային՝ Իսրայելի դրոշը կառավարության շենքի վրա բարձրացնելու համար՝ ասելով, որ «պատշաճ չէ ահաբեկչական պետության» դրոշի ցուցադրումը։
«Ըստ ամենայնի՝ Ավստրիան փորձում է մահմեդականներին ստիպել՝ վճարել իր կողմից իրագործված հրեաների ցեղասպանության համար»,- ասել է Թուրքիայի նախագահը։
Էմմա Չոբանյան
