17.09.2026 | 11:00
Կառավարության նիստը՝ ՈՒՂԻՂ
Սպիտակ տունը սատարում է Իսրայելին, բայց ցանկանում է դադարեցնել օպերացիան․ BBC
Քաղաքականություն
18.05.2021 | 11:48
Երկուշաբթի երեկոյան ԱՄՆ նախագահ Ջո Բայդենը հեռախոսազրույց է ունեցել Իսրայելի վարչապետ Բենյամին Նեթանյահուի հետ, գրում է BBC-ի ռուսական ծառայությունը։
Հեռախոսազրույցի մասին Սպիտակ տան հաղորդագրության մեջ նշվում է, որ Բայդենը կողմ է արտահայտվել Իսրայելի ու Գազայի հատվածը վերահսկող ՀԱՄԱՍ խմբավորման միջև հաշտությանը։
Սա մայիսին հակամարտության սրման սկզբից ի վեր ԱՄՆ պաշտոնական հայտարարություններում հրադադարի մասին առաջին հիշատակումն էր:
Բեյդենի՝ Նեթանյահուի հետ զրույցից հետո, Axios- ը, վկայակոչելով իր աղբյուրները, հայտնել է, որ ԱՄՆ նախագահի վարչակազմը չի նշել Իսրայելի կողմից ՀԱՄԱՍ-ի դեմ ռազմագործողություններն ավարտելու որոշակի ժամկետ, սակայն նախազգուշացրել է, որ միջազգային ճնշումը զսպելու նրա կարողությունը նվազում է:
«Ասվածի ընդհանուր իմաստն այն է, որ նրանք աջակցում են մեզ, բայց ուզում են, որ սա ավարտվի», – Axios- ին ասել է Իսրայելի կառավարությունում սեփական աղբյուրը:
Միջազգային դատապարտումը կապված է Իսրայելի ավիահարվածների հետևանքով Գազայի հատվածում քաղաքացիական անձանց զոհվելու հետ։ Համաձայն պաղեստինցի բժիշկների տվյալների՝ առնվազն 212 մարդ է զոհվել , այդ թվում՝ 61 երեխա:
Իսրայելում ՀԱՄԱՍ-ի հրթիռակոծումների հետևանքով զոհվել է 10 մարդ, այդ թվում ՝ երկու երեխա:
Տաթև Ֆռանգյան
