26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Իսրայելը վաղ առավոտից սկսել է Գազայի հատվածի է՛լ ավելի ինտենսիվ ռմբակոծությունը
Քաղաքականություն
17.05.2021 | 17:47
Իսրայելի զինված ուժերը երկուշաբթի վաղ առավոտից սկսել է Գազայի հատված ավիահարվածների հերթական շարքը ՝ Իսրայելի վարչապետի ժամանակավոր պաշտոնակատար Բենիամին Նեթանյահուի հայտարարությունից ժամեր անց, երբ վերջինս ասաց, որ պաղեստինյան անկլավի վրա հարձակումները է՛լ ավելի կինտենսիվանան, գրում է Aljazeera-ն:
Պայթյունները ցնցել են Գազա քաղաքը հյուսիսից հարավ։ Ռմբակոծությունների հետևանքով, որոնք ավելի ծանր, ավելի լայնածավալ և ավելի երկար են տևել, քան կիրակի օրը՝ առնվազն 42 պաղեստինցի էր սպանվել և տասնյակները վիրավորվել են:
Առնվազն 198 մարդ, այդ թվում ՝ 58 երեխա, սպանվել է Գազայի հատվածում, մեկ շաբաթ առաջ սկսված հակամարտության ընթացքում: Վիրավորվել են ավելի քան 1300 պաղեստինցիներ:
Ավելի վաղ Գազայի հատվածը ղեկավարող «Համաս» խմբավորումը հրթիռներ էր արձակել իսրայելական Աշկելոն և Բերշեբա քաղաքների ուղղությամբ: Իսրայելը հայտնել էր 10 զոհվածների մասին, այդ թվում ՝ երկու երեխաների:
ՄԱԿ-ի Անվտանգության խորհուրդը կիրակի հանդիպել է կողմերի հետ, սակայն չի կարողացել համաձայնության գալ նույնիսկ համատեղ հայտարարության վերաբերյալ:
Տաթև Ֆռանգյան
