07.05.2024 | 22:59
Ադրբեջանցի պատգամավորները մտահոգված են ԱՄՆ-ի հնարավոր պատժամիջոցների կապակցությամբ
Պուտինը վստահ է, որ ԼՂ հարցով եռակողմ պայմանավորվածություններն այլընտրանք չունեն
Քաղաքականություն
17.05.2021 | 14:57
ՌԴ նախագահ Վլադիմիր Պուտինը վստահ է, որ ղարաբաղյան խնդրի շուրջ ձեռք բերված եռակողմ պայմանավորվածություններն այլընտրանք չունեն, և որ սահմանին իրավիճակի շտկման համար ջանքեր են գործադրվում։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«ՌԴ նախագահը հանդես է գալիս որպես եռակողմ պայմանավորվածությունների կատարմանն այլընտրանք չունենալու կողմնակից, և այժմ ակտիվ ջանքեր են գործադրվում լարվածության թուլացման ու սահմանին իրավիճակի շտկման համար»,- ասել է Կրեմլի ներկայացուցիչը։
Պեսկովը դժվարացել է պատասխանել հարցին՝ արդյո՞ք Պուտինը ստացել է ռազմական օգնության վերաբերյալ Փաշինյանի նամակը։ Նա նշել է, որ «բոլոր այդ հարցերը բազմիցս քննարկվել են երկկողմ շփումների ժամանակ»։ Կրեմլի ներկայացուցիչը հավելել է, որ Ռուսաստանը մշտական կապի մեջ է Ադրբեջանի ու Հայաստանի ղեկավարների հետ ԼՂ-ում իրավիճակի կարգավորման հարցով։
Տաթև Ֆռանգյան
