18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Վրաց-ադրբեջանական անկարգություններ Դմանիսիում․ իրավիճակը շարունակում է պայթյունավտանգ մնալ
Քաղաքականություն
17.05.2021 | 15:12
Վրաստանի Դմանիսի քաղաքի Քվեմո Քարթլիի ադրբեջանաբնակ շրջանում մայիսի 16-ին տեղի էր ունեցել զանգվածային ծեծկռտուք տեղաբնակ ադրբեջանցիների և վրացիների միջև, երկու կողմից էլ կան մի քանի տասնյակ վիրավորներ, գրում է EurAsia Daily-ն:
Դեպքի վայրից ստացված տեղեկատվության համաձայն ՝ իրավիճակը տարածաշրջանում շարունակում է պայթյունավտանգ մնալ, և երբեմն գրանցվում են քաշքշուկներ և անկարգություններ: Դեպքի վայրում մեծ թվով վրացի իրավապահներ են կենտրոնացած:
Ըստ Վրաստանի ՆԳ փոխնախարար Ալեքսանդր Դարախվելիձեի՝ Դմանիսիի խանութներից մեկի մոտ տեղի ունեցած միջադեպի մասնակից բոլոր անձանց ինքնությունը պարզվում է, որոնց նկատմամբ ձեռնարկվելու են օրենքով նախատեսված բոլոր միջոցները:
Նկատենք, որ, ըստ Mtavari հեռուստաալիքի, ծեծկռտուքին մասնակցել է շուրջ երեք տասնյակ մարդ, որոնցից շատերը զինված են եղել փայտերով ու մահակներով: Նշվում է, որ ծեծկռտուքին նախորդել է վիճաբանություն Դմանիսիի բնակիչների միջև ՝ Սվանեթիից եկած միգրանտների և էթնիկ ադրբեջանցիների միջև։
Մանրամասները՝ տեսանյութում:
Տաթև Ֆռանգյան
