25.08.2026 | 19:44
Ադրբեջանը կուլիսներում աշխատում է Իսրայելի և Թուրքիայի միջև լարվածությունը մեղմելու ուղղությամբ․ իսրայելական աղբյուրներ
Ալիևը զանգահարել է Ղազախստանի նախագահին. քննարկել են ՀԱՊԿ-ին Հայաստանի դիմումը
Քաղաքականություն
17.05.2021 | 12:24
Ադրբեջանի նախագահ Իլհամ Ալիևը հեռախոսազրույց է ունեցել Ղազախստանի նախագահ Կասիմ-Ժոմարտ Տոկաևի հետ, հաղորդում են տեղական լրատվամիջոցները։
Երկկողմ հարաբերություններին առնչվող հարցերից զատ՝ կողմերը քննարկել են նաև Հայաստանի ու Ադրբեջանի սահմանին լարված իրավիճակը։ Ալիևը նշել է, որ Հայաստանի դիմումը ՀԱՊԿ-ին հայ-ադրբեջանական սահմանին տիրող իրավիճակի կապակցությամբ անհիմն է և այլ ինչ, քան խնդիրը միջազգայնացնելու փորձ։
«Բախումներ սահմանին չեն եղել, իրավիճակը կայուն է, բանակցությունները շարունակվում են»,- ասել է Ալիևը։
Հիշեցնենք՝ նախօրեին Ղազախստանի նախագահի հետ հեռախոսազրույց էր ունեցել նաև ՀՀ վարչապետի պաշտոնակատար Նիկոլ Փաշինյանը։ Զրուցակիցները քննարկել էին հայ-ադրբեջանական սահմանին ստեղծված իրավիճակը։ Փաշինյանն անթույլատրելի էր համարել Ադրբեջանի կողմից Հայաստանի ինքնիշխան տարածքի նկատմամբ ոտնձգությունը և կարևորել խնդրի լուծման նպատակով ՀԱՊԿ գործընկերների դիրքորոշումների համադրումը։
Էմմա Չոբանյան
