30.06.2026 | 16:15
Կրեմլը խոստովանել է, որ ՌԴ-ն բանակցություններ է վարում նավթամթերքի ներմուծման հարցով
Իսրայելը Գազայում հարվածել է ՀԱՄԱՍ-ի բարձրաստիճան զինվորականների տներին
Քաղաքականություն
17.05.2021 | 10:24
Իսրայելը հարվածել է Գազայի հատվածում գտնվող ինը տների, որոնք պատկանում են ՀԱՄԱՍ-ի բարձրաստիճան զինվորականներին, ասվում է Իսրայելի ռազմաօդային ուժերի (ՌՕՈւ) թվիթերի էջում արված հայտարարության մեջ. հաղորդում է ՌԻԱ Նովոստին:
Ասվում է, որ հարձակման ենթարկված վայրերում ապրում էին Բեյթ Հանունի գումարտակի և Աշ-Շաթիի վաշտի հրամանատարները: Նաև նշվում է, որ որոշ շենքեր օգտագործվել են զենք պահելու համար:
Հիշեցնենք, որ Իսրայելի և պաղեստինյան տարածքների սահմաններում իրավիճակը սրվեց Երուսաղեմում բախումներից հետո մայիսի 10-ի երեկոյան: Մայիսի 16-ի դրությամբ, սրացման սկզբից ի վեր, Գազայի հատվածից իսրայելցիների ուղղությամբ արձակվել է 2.9 հազար հրթիռ: Ըստ վերջին տեղեկությունների՝ Իսրայելում տասը մարդ է մահացել, մոտ 50-ը ծանր վիրավորվել է: Թել Ավիվը հարյուրավոր պատասխան հարվածներ է հասցրել, պաղեստինյան կողմից զոհերի թիվը հասել է 192-ի, այդ թվում ՝ 58 երեխա:
Իսրայել-պաղեստինյան հակամարտությունը ձգվում է արդեն մի քանի տասնամյակ. կողմերը չեն կարողանում Գազայի շրջանում և Երուսաղեմում տարածքներ բաժանել: Բացի այդ, Պաղեստինը ձգտում է ճանաչել իր պետականությունը իրեն հարմար սահմաններում: 2007 թվականից նրա վերահսկողության տակ գտնվող հողերը ղեկավարում է իսլամիստական Համաս կազմակերպությունը:
