17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Ադրբեջանի ղեկավարությունը թույլ է տալիս հերթական սխալները․հնարավորություն է տալիս պատժելու․Մարուքյան․ ՏԵՍԱՆՅՈՒԹ
Քաղաքականություն
14.05.2021 | 22:07
Երկիրը հայտնվել է ճգնաժամի մեջ, որից դուրս գալու լուծման ճանապարհները շատ չեն։ Այսօր ԱԺ արտահերթ նիստում նման կարծիք հայտնեց «Լուսավոր Հայաստան» խմբակցության ղեկավար Էդմոն Մարուքյանը։
«Ադրբեջանի նախագահ Իլհամ Ալիևը էյֆորիայի մեջ ընկած կարծում է, թե ինքը մարսել է Արցախի որոշ տարածքների օկուպացիան, պատերազմական հանցագործությունները, գլխատումները և այն ամենը, ինչի համար միջազգային քրեական իրավունքով կարող է դատապարտվել և մեկը մյուսի հետևից սխալներ թույլ տալ ու չկատարել նոյեմբերի 9-ի հայտարարությամբ ամրագրված կետերը`հայկական կողմը պետք է փորձի օգուտ քաղել դրանից և պատժել Բաքվի բռնապետին»- նշեց Մարուքյանը:
Նա նաև ընդգծեց, որ եթե հայ-ադրբեջանական սահմանին տեղի ունեցող զարգացումների շուրջ բանակցություններն արդյունք չտան՝ այն կվերաճի ռազմական կոնֆլիկտի։
«Իրավիճակից խաղաղ դուրս գալու հնարավորություններ դեռ կան թե՛ ՀԱՊԿ կառույցի շրջանակում, թե՛ միջազգային գործընկերների միջոցով ճնշումն ավելացնելու առումով, բայց, եթե բանակցություններն արդյունք չտան, բնականաբար այն վերաճելու է ռազմական կոնֆլիկտի, ուժի կիրառման, ուրիշ ելք չի կարող լինել»,- ասաց ԼՀԿ ղեկավարը։
Մանրամասները՝ տեսանյութում:
