07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Այլևս ռուս-թուրքական հարաբերություններին մատաղ անելու սերունդ չունենք․ Բաբաջանյան․ ՏԵՍԱՆՅՈՒԹ
Քաղաքականություն
14.05.2021 | 21:32
Այսօր մենք ականատեսն ենք մի զարհուրելի պատկերի։ Մեր աչքի առաջ փլուզվում է համոզումը այն իրողության, թե Ռուսաստանը ուզի՝ այս տարածաշրջանում էսկալացիա չի լինի, պատերազմ չի լինի: Արդյունքում պարզվում է, թե մենք ինչպիսի կեղծիքի, ինչպիսի ստի մեջ ենք ապրել»,- այս մասին ԱԺ արտահերթ նիստում նշեց ԱԺ պատգամավոր Արման Բաբաջանյանը։
Նա նշեց, որ Ադրբեջանը, թքած ունենալով Ռուսաստանի և ՀԱՊԿ-ի վրա, անցել է սահմանը Սյունիքում, Գեղարքունիքում և կարող ենք հաստատապես ասել, որ եթե Ադրբեջանը վստահ լիներ, որ Ռուսաստանը կատարելու է Հայաստանի առջև ռազմավարական գործընկերոջ իր ուղիղ պարտականությունները, սահմանային այս միջադեպերը տեղի չէին ունենա, քանի որ սահմանային ճշգրտումներն ավարտվել էին պատերազմից հետո և նոր ճշգրտումների անհրաժեշտություն չպիտի ծագեր, եթե չլիներ նոր էսկալացիա առիթ և պատուհան, որը կարող էր ստեղծվել Լավրովի Բաքու այցից հետո և Հայաստանում Խորհրդարանի արձակումից անմիջապես հետո։
«Սրանք ուղղակի նշանային կարևորություն ունեն այս իրավիճակում։ Ըստ էության՝ մենք հիմա գործ ունենք Լավրովի մի նոր պլանի հետ և պետք է ուղղակի Հայաստանի պատկան մարմինները փորձեն հասկանալ, թե ինչ նոր պլան է իրագործվում Ռուսաստանի կողմից։
Ռուսաստանը ինքը պետք է հասկանա, որ եթե հարցը մեր օգտին չլուծվի՝ տուժողը միայն Հայաստանը չի լինելու, տուժողը հավասարապես լինելու է նաև Ռուսաստանը։ Եթե Ռուսաստանն ու ՀԱՊԿ-ը շարունակելու են խուլ և կույր ձևանալ Հայաստանի միջազգային սահմանի մասին, քանի որ մենք պաշտոնապես չենք խնդրել, չենք աղաչել, չենք աղերսել ՀԱՊԿ-ին և Ռուսաստանին, հարցը պետք է անհապաղ տեղափոխել ԵԱՀԿ և ՄԱԿ-ի անվտանգության խորհրդի հարթակներ, ինչպես արդեն առաջարկել է Ֆրանսիայի նախագահը նախօրեին»,- նշեց պատգամավորը։
Մանրամասները՝ տեսանյութում:
