16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Պեսկովը հայտնել է, որ Փաշինյանը Պուտինից օգնություն չի խնդրել Սյունիքում տիրող իրավիճակի հետ կապված
Քաղաքականություն
14.05.2021 | 14:34
ՀՀ վարչապետի պաշտոնակատար Նիկոլ Փաշինյանը ՌԴ նախագահ Վլադիմիր Պուտինի հետ ուրբաթ կայացած հեռախոսազրույցում չի քննարկել Մոսկվայի օգնության թեման՝ Հայաստանի ու Ադրբեջանի սահմանի իրավիճակի հետ կապված։ Այս մասին լրագրողներին հայտնել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Ո՛չ, Փաշինյանն օգնություն չի խնդրել։ Իհարկե, հայկական կողմը սահմանին տիրող իրավիճակի կապակցությամբ ծայրահեղ անհանգստություն է հայտնել։ Այդ անհանգստությունը կիսել է նաև նախագահ Պուտինը։ Եվ նախագահ Պուտինը հատուկ նշել է եռակողմ պայմանավորվածությունների բոլոր դրույթների կատարման անհրաժեշտության մասին, առաջին հերթին դրույթը, որը խոսում է հրադադարի ռեժիմի անհրաժեշտության մասին»,- ասել է Պեսկովը՝ պատասխանելով հարցին՝ արդյո՞ք Պուտինն ու Փաշինյանը քննարկել են ռազմական համագործակցության ընդլայնումը։
Էմմա Չոբանյան
