18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
ՀԱՄԱՍ-ը հայտնել է իսրայելական քիմիական գործարանին հարված հասցնելու մասին
Քաղաքականություն
14.05.2021 | 14:00
Գազայի հատվածը վերահսկող ՀԱՄԱՍ շարժման ռազմականացված թևը՝ «Իզեդդին ալ-Քասամի բրիգադներ»-ը, հայտարարել է իսրայելական քիմիական գործարանին հարվածելու մասին։ Այս մասին գրում է ՏԱՍՍ-ը՝ վկայակոչելով Al Jazeera-ն։
Նշվում է, որ հարձակման ենթարկված օբյեկտը գտնվում է Նիր-Օզ ավանում։ Հարվածը հասցվել է անօդաչու թռչող սարքի օգնությամբ։
Միաժամանակ, Իսրայելի Պաշտպանության բանակն իր Twitter-ի պաշտոնական էջում տարածված հաղորդագրությամբ նշել է, որ «որոշ ժամանակ առաջ «Երկաթե գմբեթ» ՀՕՊ համակարգը Գազայի հատվածից Իսրայելի ուղղությամբ թռչող անօդաչու է որսացել»։
Մայիսի 10-ից իսրայելական բանակն ու Գազայի հատվածի պաղեստինյան խմբավորումները փոխադարձ հարձակումներ են իրականացնում։ Հրթիռակոծությունները սկսվել են մայիսի սկզբին Արևելյան Երուսաղեմում Ալ-Աքսա մզկիթի մոտ անկարգությունններից հետո, որոնց պատճառն իսրայելական դատարանի որոշումն էր՝ Շեյխ-Ջուրախ թաղամասում բնակվող արաբ ընտանիքներից տներն առգրավելու մասին։
Ուրբաթ իսրայելական լրատվամիջոցները տեղեկացրել են հրթիռակոծությունների հետևանքով 9 իսրայելցու մահվան մասին։ Գազայի Առողջապահության նախարարության տվյալներով էլ՝ իսրայելական հարվածների հետևանքով 119 պաղեստինցի է զոհվել, ավելի քան 600 վիրավոր կա։
