12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
Քաղաքական աջակցության բացակայության պայմաններում որևէ հակակոռուպցիոն կառույց հաջողություն չի ունենա. արդարադատության նախկին նախարար
Քաղաքականություն
06.06.2017 | 19:00
Արդարադատության նախկին նախարար Հովհաննես Մանուկյանը factor.am-ի հետ զրույցում անդրադառնալով Բարձրաստիճան պաշտոնյաների էթիկայի հանձնաժողովի հիմքի վրա հակակոռուպցիոն մարմնի ստեղծմանը` նշեց, որ կոռուպցիայի դեմ պայքարում Հայաստանը ընտրել է ոչ թե ռևոլյուցիոն, այլ էվոլյուցիոն ճանապարհը. «Կան ոլորտներ, որ ավելի կտրուկ լուծումները ավելի արագ և էֆեկտիվ արդյունք կարող են ապահովել, ես կարծում եմ` կոռուպցիան այդ ոլորտներից մեկն է»:
Հարցին, թե հատկապես վերջին խորհրդարանական ընտրություններից հետո, երբ համատարած ընտրակաշառք բաժանվեց, տեսնում է քաղաքական կամք կոռուպցիայի դեմ պայքարում` նախկին նախարարն ասաց․ «Քաղաքական կամք ես տեսնում եմ, բայց մեթոդոլոգիայի տարբերության խնդիր կա․ մենք գնում ենք դանդաղ քայլերի ճանապարհով, թե՞ գնում ենք կտրուկ որոշումների ճանապարհով, մեր երկիրն ընտրել է առաջինը»։
Նախկին նախարարը նաև հավաստիացրեց, որ ո՛չ ինքը, ո՛չ իր ընտանիքը բիզնեսներ չունեն․ ունեն անշարժ գույք, որոշակի եկամտի աղբյուրներ, բայց ինքը բիզնեսմեն չէ։
Հովհաննես Մանուկյանը 2005-2008 թթ. եղել է Վճռաբեկ դատարանի նախագահը, և անդրադառնալով ՄԻԵԴ-ում ՀՀ-ի դեմ այդ տարիներին կայացված վճիռներին ու սահմանված տուգանքներին` ասաց․ «ՉԻ կարելի դատավորից գանձել այդ գումարները: Դա կհանգեցնի կատաստրոֆայի»։
Մանրամասները դիտեք արդարադատության նախկին նախարար Հովհաննես Մանուկյանի հետ factor.am-ի հարցազրույցում։
Մարինե Խառատյան
