17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Գազայի հատվածից հրթիռակոծության հետևանքով իսրայելցի զինվորական է զոհվել․ ՀԱՄԱՍ-ն էլ հայտնել է իր առաջնորդներից մեկի մահվան մասին
Քաղաքականություն
12.05.2021 | 19:51
Գազայի հատվածից Իսրայելի տարածքի հրթիռակոծության հետևանքով իսրայելցի զինվորական է զոհվել։ Այս մասին Twitter-ում գրառմամբ հայտնել է այդ երկրի Պաշտպանության բանակը։
Հաղորդագրության մեջ նշվում է, որ զոհվածը 21 տարեկան էր։ Իսրայելի վարչապետ Բենիամին Նեթանյահուն ցավակցել է զինծառայողի ընտանիքին։
Պաղեստինյան ՀԱՄԱՍ շարժման ռազմական թևը հանդիսացող «Իզեդդին ալ-Քասամ» խմբավորումն իր հերթին հայտարարել է Իսրայելի կողմից անկլավի հրթիռակոծության հետևանքով իր առաջնորդներից մեկի մահվան մասին։
«Հայտնում ենք «Իզեդդին ալ-Քասամ»-ի հրամանատարներից մեկի՝ Գազայի համար պատասխանատու Բասամ Իսայի զոհվելու մասին»,- պաղեստինյան շարժման հաղորդագրությունն է ներկայացրել է Dunya Al Watan-ը, գրում է ՏԱՍՍ-ը։
Տեղական լրատվամիջոցների փոխանցմամբ՝ այսպիսով, Իսան դարձել է 2014 թվականից ի վեր ՀԱՄԱՍ-ի ամենաբարձրաստիճան առաջնորդը, որը սպանվել է Իսրայելի հարձակման հետևանքով։
