18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Էրդողանի մամուլի խոսնակ. «Թուրքիան և ԱՄՆ-ն կարող են C-400-ի և F-35-ի հարցերը լուծել բանակցելով»
Քաղաքականություն
12.05.2021 | 19:22
Թուրքիան կրկին դիմել է ԱՄՆ-ին՝ կոչ անելով բանակցություններ վարել ռուսական S-400 զենիթահրթիռային համակարգերի շուրջ խնդրահարույց հարցերի և F-35 կործանիչների արտադրության ծրագրից Թուրքային հեռացնելու վերաբերյալ: Այդ մասին հայտարարել է Թուրքիայի նախագահի պաշտոնական ներկայացուցիչ Իբրահիմ Քալընը, հաղորդում է ermenihaber-ը:
«Մենք կրկնում ենք ԱՄՆ-ի համար առաջարկը՝ քննարկել S-400-ների, F-35-ի և CAATSA-ի թեմաները («Պատժամիջոցների միջոցով Ամերիկայի հակառակորդներին հակազդելու մասին օրենք»): Մենք կարող ենք այդ հարցերը լուծել բանակցությունների միջոցով, եթե ռազմավարական դաշնակիցներ և գործընկերներ ենք: Մենք ակնկալում ենք, որ սխալները կուղղվեն»,-Hurriyet թերթին ասել է Քալընը:
Ըստ նրա՝ Թուրքիային չեն գոհացնում «ԱՄՆ-ի այն պնդումները, որ S-400-ը վտանգ է ներկայացնում ՆԱՏՕ-ի, ինչպես նաև F-35 ինքնաթիռների անվտանգության համար»:
«Եթե պայմաններն ընդունելի լինեն, մենք S-400-ից բացի կգնենք նաև ամերիկյան «Patriot» համակարգեր, սակայն հարկադրված ենք հաշվի առնել ազգային շահերը: Եվ դա չի նշանակում, որ համագործակցությանն այլընտրանք չի մնում»,-ասել է թուրք պաշտոնյան՝ հիշեցնելով, որ Թուրքիայի նախագահի աշխատակազմը շարունակում է պատրաստվել Էրդողան-Բայդեն հանդիպմանը, որը նախատեսված է ՆԱՏՕ-ի հունիսյան գագաթնաժողովին:
