09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Իրանի նախկին նախագահ Մահմուդ Ահմադինեժադը նախագահական ընտրություններին մասնակցության հայտ է ներկայացրել
Քաղաքականություն
12.05.2021 | 13:45
Իրանի նախկին նախագահ Մահմուդ Ահմադինեժադն այսօր առաջիկա նախագահական ընտրություններին մասնակցելու համար անհրաժեշտ փաստաթղթերն է ներկայացրել։ Այս մասին գրում է ՏԱՍՍ-ը։
Նշենք, որ Ահմադինեժադը ԻԻՀ նախագահի պաշտոնը զբաղեցրել է 2005-2013 թվականներին։
Օրենսդրության համաձայն՝ ընտրություններին մասնակցության համար փաստաթղթերը ներկայացրածների թեկնածությունը պետք է նախ հաստատի Իրանի Սահմանադրության պահապանների խորհուրդը, 5-10 օրվա ընթացքում։ Խորհրդի կողմից հաստատված թեկնածուների անունները կհայտարարվեն մայիսի 26-27-ին։
Նախագահի պաշտոնին հավակնողների գրանցումը կտևի մինչև մայիսի 15-ը։ Խորհրդի կողմից հաստատված թեկնածուները մայիսի 28-ից հունիսի 16-ը նախընտրական քարոզարշավ կանցկացնեն։
Իրանի 13-րդ նախագահական ընտրությունները նախանշված են հունիսի 18-ին։
