Քաղաքականություն
10.05.2021 | 19:13
Թուրքիայի նախագահ Ռեջեփ Թայիփ Էրդողանն այսօր հեռախոսազրույց է ունեցել Պաղեստինի առաջնորդ Մահմուդ Աբբասի հետ։ Այս մասին հաղորդել է Թուրքիայի նախագահի աշխատակազմի հասարակայնության հետ կապերի բաժինը, գրում է «Անադոլու» գործակալությունը։
Նշվում է, որ զրուցակիցները քննարկել են «Իսրայելի հարձակումը Ալ-Աքսա մզկիթի ու պաղեստինցիների վրա»։ Էրդողանը նշել է, որ Իսրայելի գործողությունները Երուսաղեմում ոչ միայն վիրավորում են մահմեդականներին, այլև ամբողջ մարդկությանը։ Էրդողանն Իսրայելի գործողություններն անվանել է «ահաբեկչություն»՝ խստորեն դատապարտելով պաղեստինցիների իրավունքների ոտնահարումը։
Թուրքիայի նախագահը նաև հայտարարել է, որ Անկարան անելու է հնարավորը, որ ամբողջ համաշխարհային հանրությունը, այդ թվում՝ իսլամական պետությունները քայլեր ձեռնարկեն՝ «Պաղեստինում Իսրայելի կողմից իրականցվող ահաբեկչության ու օկուպցիայի քաղաքականության դադարեցման համար»։
«Թուրքիան կշարունակի աջակցել Պաղեստինի արդար գործին, կանգնել Պաղեստինի ժողովրդի կողքին ու պաշտպանել Սուրբ Երուսաղեմը»,- ասել է Էրդողանը։
Էմմա Չոբանյան
