30.06.2026 | 14:28
Մոսկովյան պուրակը կբարեկարգվի. նվեր Երևանին` IDBank-ի 35-ամյակի առթիվ
Իսրայելի նախագահի ընտրությունները տեղի կունենան հունիսի 2-ին
Քաղաքականություն
10.05.2021 | 18:56
Իսրայելի նոր նախագահի ընտրությունները Կնեսետում տեղի կունենան հունիսի 2-ին։ Այս մասին գրում է ՏԱՍՍ-ը՝ վկայակոչելով երկրի օրենսդիր մարմնի մամուլի ծառայությունը։
«Կնեսետի խոսնակ Յարիվ Լևինը որոշել է, որ Իսրայելի հաջորդ նախագահի ընտրությունները տեղի կունենա հունիսի 2-ին։ Նախագահի ընտրությունը կանցկացվի Կնեսետի լիագումար նիստում, գաղտնի քվեարկությամբ»,- ասվում է հաղորդագրությունում։
Նշվում է, որ ընտրություններին մասնակցելու համար թեկնածուների հայտերն ընդունվում են մինչև մայիսի 19-ը։
Նախագահի թեկնածու կարող է առաջադրել առնվազն 10 գործող խորհրդարանականից կազմված խումբը։ Հաղթանակի համար թեկնածուն պետք է ստանա ձայների պարզ մեծամասնություն։ Ընդհանուր առմամբ, իսրայելական խորհրդարանը 120 պատգամավոր ունի։
Նշենք, որ գործող նախագահ Ռեուվեն Ռիվլինի լիազորությունների ժամկետը լրանում է հուլիսի 9-ին։ Օրենսդրության համաձայն՝ Իսրայելում նախագահն ընտրվում է 7 տարի ժամկետով։ Պետության ղեկավարի պաշտոնը երկու անգամից ավելի զբաղեցնել հնարավոր չէ։
