24.04.2026 | 23:32
Կապանում ջրանջատում կլինի
Իսրայելի ոստիկանությունը հայտնել է Տաճարի լեռան վրա իրադրության կարգավորման մասին․ վիրավորների թիվը գերազանցել է 300-ը
Քաղաքականություն
10.05.2021 | 18:12
Իսրայելական ոստիկանությունը հայտարարել է Արևելյան Երուսաղեմում՝ Տաճարի լեռան վրա իրադրության կարգավորման մասին, որտեղ առավոտյան բախումներ են գրանցվել պաղեստինցիների և իսրայելցի ուժայինների միջև, հաղորդում է ՌԻԱ Նովոստին։
«Իրավիճակը հանդարտ է, այնտեղ ոստիկանական ուժեր կան, որոնք պատրաստ են ցանկացած պահի ձեռնարկել բոլոր միջոցները՝ հասարակական կարգն ապահովելու համար»,- գործակալությանն ասել է ոստիկանության ներկայացուցիչը։
Նշվում է, որ առավոտյան «երիտասարդ մահմեդականների կողմից բռնության բռնկում է գրանցվել»։
Կարմիր մահիկի տվյալներով՝ բախումների ընթացքում Իսրայելի ոստիկանության 9 աշխատակից է տուժել, որոնցից մեկը հոսպիտակացվել է։ Կազմակերպությունը հայտնել է նաև Ալ-Աքսա մզկիթի մոտ 305 պաղեստինցու վիրավորվելու մասին, որոնցից 278-ը տեղափոխվել է քաղաքային հիվանդանոցներ, 7-ի վիճակը ծանր է։
