ԱՄՆ-ն դիտարկում է Ուզբեկստանում և Տաջիկստանում ռազաբազաների տեղակայման հնարավորությունը. WSJ

Քաղաքականություն

10.05.2021 | 15:02

Լուրեր

11.10.2026 | 14:46

Այսօր աղջիկ երեխաների միջազգային օրն է

11.10.2026 | 14:16

Թրամփն առաջարկել է Ատլանտյան օվկիանոսը վերանվանել իր պատվին

11.10.2026 | 13:23

Հոկտեմբերի 13-16-ին Հայաստանի առանձին շրջաններում անձրև կտեղա

11.10.2026 | 13:06

Վթարային ջրանջատում Վանաձոր քաղաքում

11.10.2026 | 12:45

ԱԹՍ-ների պատճառով Վլադիմիրում Yandex-ի տվյալների կենտրոնը դադարեցրել է աշխատանքը․ խնդիրներ՝ նաև Հայաստանում

11.10.2026 | 12:06

Հայ զինծառայողները վարժանքներ են անցկացրել «Արամազդ» հրետանային միջոցով և նոր տեխնիկայով

11.10.2026 | 11:47

Երեք քաղաքացի մոլորվել է Լանջազատի մոտակայքում․ փրկարարները գտել են նրանց

11.10.2026 | 11:22

Երևանի 4 վարչական շրջաններում և Արարատի մարզի գյուղերում մինչև 36 ժամ ջուր չի լինի

11.10.2026 | 11:11

Թոմաս Ադորյանը գեղեցիկ գոլ է խփել երկրորդ խաղում անընդմեջ. ՏԵՍԱՆՅՈՒԹ

11.10.2026 | 11:03

Երևանում վիճաբանության ժամանակ հրազեն է գործի դրվել․ կա երեք վիրավոր

11.10.2026 | 10:31

ՀՀ տարածքում ավտոճանապարհներն անցանելի են

11.10.2026 | 10:11

Շանհայ. Կարեն Խաչանովը դուրս եկավ 1/8 եզրափակիչ

11.10.2026 | 10:00

Նորբերտո Բրիասկո Բալեկյանն առաջին դուբլն է գրանցել կարիերայում. ՏԵՍԱՆՅՈՒԹ

11.10.2026 | 09:46

Մեսին ու Սուարեսը երկուական գոլ են խփել. ՏԵՍԱՆՅՈՒԹ

11.10.2026 | 00:27

«Համաշխարհային առևտրի կենտրոն Երևան» նախագիծը միշտ արդիական կլինի Երևանի համար և կնպաստի քաղաքի ինքնության ձևակերպմանը. վարչապետ

Բոլորը

ԱՄՆ-ն ու նրա դաշնակից ուժերը մոտ ապագայում կլքեն Աֆղանստանը, այդ պատճառով ԱՄՆ ռազմական ծրագրավորողներն այժմ դիտարկում են իրենց բազաները Կենտրոնական Ասիայի ու Մերձավոր Արևելքի երկրներում տեղակայելու հարցը։ Այս մասին գրում է Wall Street Journal-ը։

Պարբերականի հաղորդմամբ՝ զորքերի դուրսբերման նախապատրաստմանը զուգընթաց՝ ԱՄՆ ռազմական հրամանատարները ցանկանում են, որ զորքերը, հրետանին, անօդաչուները, ռմբակոծիչները, որոնք պաշտպանում էին աֆղանական կառավարությանը, «Թալիբան»-ին հետ պահեն ու վերահսկեն մյուս ծայրահեղականներին։

Ըստ ԱՄՆ կառավարության անդամների ու ռազմական պաշտոնյաների՝ որպես ռազմաբազաների տեղակայման տարբերակներ են դիտարկվում հարևան պետություններն ու Արաբական ծոցի երկրները։

Լրատվամիջոցը գրում է, որ մի շարք ռազմական ու Բայդենի վարչակազմի պաշտոնյաների համաձայն՝ նախընտրելի է, որ Ուզբեկստանն ու Տաջիկստանը, որոնք Աֆղանստանին հարևան երկրներ են, թույլ տան արագ մուտք գործել։ Սակայն ռուսական մեծ ռազմական ներկայությունը տարածաշրջանում, Չինաստանի աճող ներկայությունը, նրանց ու Վաշինգտոնի միջև լարվածությունը բարդացնում են Կենտրոնական Ասիայում բազաների տեղադրումը, ասել են պաշտոնյաները։

Նախորդ շաբաթ էլ Աֆղանստանում ԱՄՆ հատուկ ներկայացուցիչ Զալմա Խալիզադը մեկնել է Ուզբեկստան ու Տաջիկստան։ Նրա քննարկումները կենտրոնացել են խաղաղության հաստատման ջանքերի շուրջ։

Հոդվածում նաև ասվում է, որ Կենտրոնական Ասիայի երկրներում բազաների տեղակայման պաշտոնական դիմում չի ներկայացվել։ ԱՄՆ պաշտոնյաների համաձայն՝ Պենտագոնը դրական և բացասական կողմերն է կշռադատում, Սպիտակ տունն ու Պետքարտուղարությունը ևս ներգրավված են այդ որոշման քննարկումներում։ Եվ եթե հարևան երկրները չլինեն հասանելի, ապա ԱՄՆ պաշտոնյաները դիտարկում են Արաբական ծոցի դաշնակիցներին, որոնցից մի քանիսում ամերիկյան ուժեր արդեն կան։

Նշվում է, որ եթե ԱՄՆ-ն կարողանա Կենտրոնական Ասիայում ռազմաբազաներ ունենալ, ապա կվերադառնա Աֆղանական պատերազմի առաջին տարիների պատկերին։ ԱՄՆ-ն երկու բազա ուներ Կենտրոնական Ասիայում՝ Ուզբեկստանում ու Ղրղզստանում, որոնք օգտագործվում էին Աֆղանստանում գործողությունների համար, սակայն 2005 թվականին ԱՄՆ-ն հեռացավ Ուզբեկստանից ու 10 տարի անց էլ Ղրղզստանից՝ այն բանից հետո, երբ Ռուսաստանն ու Չինաստանը ճնշումներ էին գործադրում ԱՄՆ-ի վրա՝ տարածաշրջանից ուժերը դուրս բերելու համար։

Էմմա Չոբանյան