30.06.2026 | 16:03
ՌԴ-ում տաքսու վարորդներն ավելի քիչ են աշխատանքի դուրս գալիս՝ վառելիքային ճգնաժամի ֆոնին
100 հատ թոքերի արհեստական շնչառության սարքեր ձեռք բերեցինք, պրակտիկան ցույց տվեց՝ օգուտ չեն տալիս. ՏԵՍԱՆՅՈՒԹ
Տնտեսություն
10.05.2021 | 14:00
«Կարծում եմ, որ ձեր խոսքի մեջ որոշակի ծաղրանք կար, թե ո՞ւր է քննիչ հանձնաժողովը, գործո՞ւմ է, թե ոչ, և ի՞նչ բացահայտեց մինչև հիմա»,- արձագանքելով Նիկոլ Փաշինյանի ելույթին՝ հայտարարեց «Լուսավոր Հայաստան» խմբակցության պատգամավոր, կորոնավիրուսի համաճարակի դեմ տարված աշխատանքների արդյունավետությունը ստուգող ԱԺ քննիչ հանձնաժողովի ղեկավար Արկադի Խաչատրյանը:
Պատգամավորը հայտնեց, որ քննիչ հանձնաժողովը ձևավորվել է հունվար ամսին և առաջին նիստն անցկացրել են այդ ամսվա 24-ին, որից հետո կատարվել է հսկայածավալ աշխատանք՝ հիմնականում՝ «Լուսավոր Հայաստան» խմբակցության ներուժով:
Խաչատրյանի խոսքով՝ փետրվարի 11-ին կառավարությանն ուղղվել է 251 հարցից բաղկացած հարցաշար, որին, համաձայն օրենքի, գործադիրը պարտավոր էր պատասխանել 2 շաբաթվա ընթացքում, բայց պատասխանը տալու համար խնդրել էր ողջամիտ ժամկետ՝ մինչև մարտի 30-ը: «Այսօր մայիսի 10-ն է և ընդհանուր, համալիր որևէ պատասխան քննիչ հանձնաժողովը չի ստացել»,- նշեց Խաչատրյանը:
«Լուսավոր Հայաստան» խմբակցության պատգամավորը նաև տեղեկացրեց, որ կառավարության ծախսած ֆինանսական միջոցների նպատակայնությունը հասկանալու համար դիմել է Հաշվեքննիչ պալատին և Պետական վերահսկողության ծառայությանը՝ ուսումնասիրութուներ անցկացնելու և արդյունքները ներկայացնելու համար, բայց Հաշվեքննիչ պալատից հայտնել են, որ Առողջապահության նախարարության ծանրաբեռնվածության պատճառով ստուգումը հետաձգել են:
«Այս ամբողջ տեղեկատվության բացակայությունն անհնար է դարձնում քննիչ հանձնաժողովի գործունեությունը, որովհետև առանց այդ տեղեկատվության վերլուծության՝ մենք չենք կարող հրավիրել պաշտոնատար անձանց, որպեսզի բացատրություն պահանջենք»,- հայտարարեց Խաչատրյանը և հավելեց, որ, այդուհանդերձ, ինքը երկար կարող է խոսել տարբեր խնդրահարույց իրավիճակների և գումարները ծախսելու արդյունավետության մասով, որն անսպառ թեմա է:
Պատգամավորը շեշտեց, որ չի կարծում, թե արժե նման պայմաններում մեղադրել քննիչ հանձնաժողավին, որի 12 անդամից 8-ը իշխող խմբակցության պատգամավոր է:
Նիկոլ Փաշինյանն ասաց, որ իր խոսքը քննիչ հանձնաժողովին, առավել ևս՝ կազմին չէր կարող վերաբերել, այլ ինքը խոսել է մակրոցուցանիշների մասին՝ դրանով պատասխանելով սոցիալական ցանցերում կառավարության դեմ ծավալված քննարկումներին:
Փաշինյանը նշեց, որ Քննիչ հանձնաժողովը նաև օբյեկտիվ և սուբյեկտիվ խնդիրների է անդրադարձել:
«Օբյեկտիվ խնդիրներից մեկի մասին կարող եմ ասել: Երբ որ ամբողջ աշխարհը խուճապահար խոսում էր թոքերի արհեստական շնչառության սարքերի մասին, և մեր կառավարությունը շատ շտապ կարգով ձեռք բերեց թոքերի արհեստական շնչառության 100 հատ սարք, հետո պրակտիկան ցույց տվեց, որ դրանք շատ հիվանդների պարագայում կիրառելի չեն, որովհետև օգուտ չեն տալիս»,- նշեց Փաշինյանը՝ հավելելով, որ կարող են լինել նաև անարդյունավետ ծախսեր:
Մանրամասները՝ տեսանյութում:
