17.09.2026 | 13:47
ԱԺ-ն ՏԿ և ՇՄ պահպանության հարցերի հանձնաժողովի նախագահ է ընտրում. ՈւՂԻՂ
Երուսաղեմում անկարգությունների հետևանքով մինչև 180 մարդ է վիրավորվել
Քաղաքականություն
10.05.2021 | 13:14
Արևելյան Երուսաղեմում այսօր պաղեստինցիների և իսրայելական ուժայինների միջև բախումների հետևանքով մինչև 180 մարդ է տուժել, շուրջ 80-ը հոսպիտալացվել է։ Այս մասին հայտնել է Կարմիր Մահիկի պաղեստինյան գրասենյակը, գրում է ՌԻԱ Նովոստին։
Պաղեստինցի ցուցարարները «Ալ Աքսա» մզկիթի մոտակայքում քարեր են նետել իսրայելցի ոստիկանների ուղղությամբ, վերջիններն էլ լուսաձայնային նռնակներ, ռետինե փամփուշտներ և արցունքաբեր գազ են կիրառել։
Բախումներն Արևելյան Երուսաղեմում շարունակվում են արդեն մի քանի օր։ Դրանք սկսվել են Շեյխ Ջարախ թաղամասում, որտեղ, իսրայելական դատարանի որոշմամբ, մի քանի արաբ ընտանիքի էին վտարում տներից, իսկ մայիսի 7-ի երեկոյան՝ արդեն Տաճարի լեռան վրա, որտեղ հարյուրավոր հավատացյալներ են հավաքվել։
Կարմիր Մահիկի տվյալներով՝ վերջին մի քանի օրերին անկարգությունների և բախումների հետևանքով շուրջ 300 պաղեստինցի է վիրավորում ստացել։ Իսրայելական ոստիկանությունն իր հերթին հաղորդել է առնվազն 17 իրավապահի տուժելու մասին։
Այսօր նշվում է Երուսաղեմի օրը՝ վեցօրյա պատերազմից հետո քաղաքի արևելյան հատվածի՝ Իսրայելի վերահսկողությանն անցնելու պատվին։
