18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Վրաստանում 300 մարդ կորոնավիրուսով է վարակվել պատվաստանյութի առաջին չափաբաժինը ստանալուց հետո
Քաղաքականություն
07.05.2021 | 18:45
Վրաստանում կորոնավիրուսի դեմ պատվաստումներից հետո վիրուսով վարակման շուրջ 300 դեպք է գրանցվել: Այս մասին լրագրողների համար վեբինարի ժամանակ հայտնել է Հիվանդությունների վերահսկման ազգային կենտրոնի ղեկավար Ամիրան Գամկրելիձեն, գրում է «Նովոստի Գրուզիան»:
Նրա խոսքով՝ սույն դեպքերն ուսումնասիրվում են հիվանդությունների վերահսկման մասնագետների կողմից, սակայն, Գամկրելիձեի խոսքով՝ գրեթե բոլորի մոտ հիվանդությունն անցել է թեթև, իսկ շատ դեպքերում առանց ախտանշանների։
Հիվանդությունների վերահսկման ազգային կենտրոնի փոխտնօրեն Պաատա Իմնաձեն տեղեկացրել է, որ պատվաստանյութի առաջին չափաբաժինը ստանալուց հետո կորոնավիրուսով վարակված անձանց պատվաստանյութի երկրորդ չափաբաժինը կներարկվի վիրուսի հաստատումից 120 օր անց:
Տաթև Ֆռանգյան
