11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Թուրքիայում հայտնել են ԱՄՆ-ի հետ երկխոսություն սկսելու մասին
Քաղաքականություն
07.05.2021 | 18:11
Անկարան Վաշինգտոնից նամակ է ստացել, որը կարող է երկու երկրների միջև երկխոսության սկիզբ դառնալ` վերջին շրջանում F-35 կործանիչների հետ կապված խնդրի լուծման շուրջ, որի մատակարարումները ԱՄՆ-ը սառեցրել էր ավելի վաղ, քանի որ Թուրքիան ձեռք էր բերել ռուսական C- 400 զենիթահրթիռային համակարգերը։ Այս մասին հայտնել է Թուրքիայի պաշտպանական արդյունաբերության ղեկավար Իսմայիլ Դեմիրը, գրում է թուրքական NTV-ն:
«Մենք արդեն խոսել ենք, որ ոչ մի երկիր չի կարող միակողմանիորեն դուրս մնալ F-35 ծրագրից: Եվ Միացյալ Նահանգների վերջին նամակը հաստատեց մեր անմեղությունը: ԱՄՆ-ի հետ երկխոսությունը կսկսվի F- 35-ի հետ կապված խնդրի լուծումը գտնելու համար», – հայտնել է Դեմիրը:
Հիշեցնենք՝ ԱՄՆ Թուրքիային բացառել էր F-35 ինքնաթիռների արտադրության ծրագրից՝ ռուսական С-400 ԶՀՀ գնման պատճառով։
Տաթև Ֆռանգյան
