18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Ռուսական Իլ-96 ինքնաթիռը խախտել է Էստոնիայի օդային սահմանը․ ՌԴ դեսպանին բողոքի նոտա է հղվել
Քաղաքականություն
07.05.2021 | 14:56
Ռուսական Իլ -96 ինքնաթիռը մայիսի 5-ի առավոտյան խախտել է Էստոնիայի օդային սահմանը: Այս մասին հինգշաբթի օրը ՝ մայիսի 6-ին, Տալլինում հայտարարել է երկրի Պաշտպանության նախարարությունը, գրում է DW-ի ռուսական ծառայությունը: Դեպքի կապակցությամբ Էստոնիայի արտաքին գործերի նախարարությունը բողոքի նոտա է հղել Ռուսաստանի Դաշնության դեսպան Ալեքսանդր Պետրովին:
Ըստ Էստոնիայի Պաշտպանության նախարարության՝ Իլ-96-ը խախտել է սահմանը Ֆինլանդիայի ծոցում գտնվող Վայնդլու կղզու տարածքում և օդում մնացել շուրջ մեկ րոպե: Չնայած ինքնաթիռի տրանսպոնդերը միացված է եղել, սակայն օդանավը չի ունեցել թռիչքի նախագիծ և սահմանը հատելու պահին չի եղել երկկողմանի ռադիոկապ Էստոնիայի օդային շարժման ծառայության հետ, հայտարարել է գերատեսչության մամլո ծառայությունը։
Հավելենք, որ Էստոնիան բազմիցս մեղադրել է Ռուսաստանին օդային սահմանը հատելու համար։ Համանման վերջին միջադեպը գրանցվել է այս տարվա փետրվար ամսին։
Տաթև Ֆռանգյան
